آخر كلام

يقول "وضاح" بعد يوم طويل

ويلاه يا هالغصن . . خوفي تحوشك نار
وكل سدرتك تحترق . . وإحنا برجا لكنار
السدره حضن ودفا ، السدره بيت ودار

إن ماتت جذورها . . كلنا ترانا نموت!!

إثبت يا غصن الوفا . . ويا الهوا لا دار
تالي صفارك يرد . . ورد وفرح وأثمار
ضحيت كل العمر . . والتضحيات كبار
ربيت طير . . وكبر . . من بين ادينك طار !

مدري لعشه يحن والا بعيد يموت ..



فترد عليه "وضيحة" تالي الليل


وضاح لاعاد به غصن ... ولا ثمر ترجيه
وين الحضن وإلا الدفا .. اللي تتمنى تجيه؟
اللي سلم من نارهم .. مداه انعدم باجيه !

كل الطيور بسدرتك .. لإرزاقها مالت
لاهي تحن لسدرتك .. ولاهي لجذرها مالت
مير اللي حالته .. حالتي يقول : مالت

على زمن أكرم صفاته .. سواد وجيه !